تنظيف بشرة مثل المتخصصات واكثر

هلا اشلونكم بنات يا احلى فراشات

وااايد بنات اسألوني عن صالونات زينه لتنظيف البشرة تدرون شنو قلتلهم -- قلتلهم ما اعرف لان عندي الطريقه الصحيحة والكاملة لتنظيف البشرة مو بس من الصالونات لا بعد من طريقه العيادات المتخصصه في الجلديه ولتنظيف البشره

قبل لا تبدين غسلي بشرتك بصابون مناسب ولا تحطين على بشرتك أي شي

اول شي :
اعملي سنفره خفيفه لبشرتك واقصد فيها بدون فرك قوي

ثاني شي :
تنظيف البشرة بالملك (الحليب المنظف) لمدة 3- 5 دقايق
الطريقه: حطي الملك على بشرتك وخليه ثواني بعدين خذي القطن الخاص بالبشره وامسحي فيه الملك مع ضغط خفيف بس مو تضغطين حيل واذا راح الملك حطي طبقه ثانيه ومسحي بعد وكرري العمليه لحد ماتحسين ان بشرتك صارت نظيفه واذا ما تعرفين سويها لمده 3-5 دقايق
وبعدين شليه بغسل وجهك بالماء الفاتر وشوييييية صابون

ثالث شي:
استخدمي البخار للبشره لمدة تستطيعين ان تتحملينها يعني مو تختنقين على بالج ان الفايده اكثر واحسن لا خليه لمده تتحملينها ولا تقربين وجهك على جهاز البخار بشكل قرييييب حيل على بالك انك شاطره لا ياقلبي خلي البخار يلامس وجهك وبشرتك عن بعد واذا كنتي ماتملكين جهاز بخار استخدمي ماء حار عادي واستفيدي من بخاره او حتى بمغسلة الحمام افتحي الماي الحار واستفيدي من بخاره

رابع شي :

استخدمي كريم تقشير لمدة 3-5 دقايق ويفضل ان يكون من ماركه طبيه وغير معطر او اذا ماكان عندك استخدمي عيش مطحون او دقيق النخي او حتى دقيق عادي او شوفان .

خامس شي :

استخدمي خلطة تفيد بشرتك مثل خلطة البطاط اللي تكلمت عنها او أي خلطه حلوه ومفيده وترطب استخدمتيها وناسبتك بس ها بدون ليمون لان البشرة بتكون مساماتها مفتوحه وتكون ناعمه وخفيفه بعد التنظيف اللي سويناه
وبعد ماتحطين الخلطه على بشرتك استخدمي جهاز البخار واذا ما تبين مو مهم بس خلي الخلطه فتره .

سادس شي : <<< معلقه على كلمة شي

سادس شي :

اغسلي بشرتك بماي فاتر وجيبي اللزقات اللي تشيل الزيوان ( النقط السودة ) وفي منها للانف وللحنك وللجبهه استخدميها .

سابع شي :

استخدمي ماسك على بشرتك واذا ماعندك ماسك احسن استخدمي شي طبيعي مثل بياض البيض مع نشا او أي شي قابض للبشره والمنتدى مليان ماسكات بس ها مو خلطه ماسك يعني تحسينه يشد البشره وبعدين شيليه بماي فاتر وحطي ماي ورد وكريم مرطب

وعليكم بألف عافيه تنظيف بشرتكم واذا استمريتي كل أسبوع راح تنعمين ببشره خياليه ونظيفة واذا حسيتي ان بشرتك يبيلها تنظيف اكثر او اذا كنتي تستخدمين المكياج وااايد استخدميها مرتين بالاسبوع

وهذي الطريقه هي الطريقه الصحيحه والكامله لتنظيف البشره واستخدميها اسبوعياً وهالطريقه تستخدمها الصاونات الكبيره وحتى العيادات واخصائيين البشره انا جبتها لكم ووفرت عليكم تعب ومصاريف اشرايكم فيني مو أموووره وشطوووره

اي سؤال حاضلر من عيوني

انتظر ردودكم وارائكم وسوالفكم واقتراحاتكم

ادعولي الله يهدي زوجي وعيالي وخصوصا بنتي الدلوعه الماصخه
منقول

__________________

البحث عن مواضيع لنفس العضو

___________________

من اخر مواضيع الفراشة راويه24
0 خطوات تنظيف البشره الصحيحه والكامله مثل العيادات المتخصصه والصالونات الكبير << روووعه
0 تبين اسنان مثل الولو بيضه والروج يطلع يجنن عليها(تبيض الاسنان )عن تجربه جديده <- روعه
0 **تبين شي لتبييض اليدين وخصوصاً المفاصل *** تعالي انا مجربته شخصاً روووعه
0 200 ديناااااااااااااااااااااااار
0 اللي ماتظهر على بشرتها نتائج الخلطات مثل باقي البنات تدخل اقولها السبب >>> لايطوفكم

__________________
لمؤخره بيييييضه وصااافييه
نصيييحه >>3 وصفات سهله تبيييض البشره وتحمر الخدود > روعه (( مجرب ))
وجه صافي مشرق خدود ورديه عيون تلمع بدون خلطات (( مجربه ومضمونه ))
لبيــــاض اليـديـــــن (مجرب ) خمس خطوات وتكوني انعم وانظف وابيض فرااشه {روووعه
زوجي قالي صايره فدعه ؟!؟!
http://www.alarabimag.com/media/sheikh-jaber.jpg

همس الحنايا..

وصفات حلوة,,,,
يعطيك العافية...استفدنا كثيرا...
ننتظر ابداعك دومــــــا..
مودتي..

ولبى قلبك يا احلى ثلجة في الكون
اشكر مرورك الراقي
اسعدني وجودك هنا في صفحتي

يعطيكي العافيه ياقلبي

سلمت يداكي
&& تقبلي مروري &&