ّّّالله يجازي من يسوّي سواتكّّّّ

الله يجـازي مــن يـسـوّي سـواتـك . . وبذنووب مـن سـوّا سواتـك يجازيـك



مشيـت درب الثقـل وتـحـب ذاتــك . . مـاتـدري انــه للمهـالـك يـوديـك؟

وغـرّك جمالك يـا خسـارة حـلاتـك . . ماتـدري إن ماغيـر طبعـك يحلـيـك؟

بتـقـول زيـنـك يشـفـع لسيئـاتـك . . الحسن ما هو عـن وفـا الحـب يعفيـك

لـو التواضـع والوفـا مــن سمـاتـك . . بعـت الحبايـب كلهـم دين واشريـك

لكـن عجـزت أغيـرك ..يـا جـراتـك . . على الغيـاب اللـي بـلا عـذر ينجيـك

خطاي فـي توضيـح وشـي غلاتـك . . وخطاك.فـي توضيـح وشـو تغليـك

وشلـون توصينـي وتنسـى وصاتـك!؟ . . وتصـد عـن صـوت تقطـع ينـاديـك

مـافـاتـك التجريح...والعـذر..فـاتـك . . وتبغي رضاي الحيـن!! ماعـاد يمديـك

صحيـح احبـك .. بـس هـذي جزاتـك . . باعلـمـك درس ٍ يفـيـدك ويحـيـيـك

تدري وش ابيض من خفوقك؟؟...عباتـك . . وتدري وش اللي غرني؟؟...نظرتي فيـك

ادري بتستغرب..تـصّـبـر وجـاتــك . . قصيـدة ٍ مـن واحـد ٍ كــان يبغـيـك

وتبغـي تناظـر وأنـت عايـش مماتـك شف . . وحدتـك والنـاس تجلـس حواليـك