شعر عن عيد الاضحى المبارك

منبر المرآقبه ™ آنظمآمگ » : 24/04/2011 العمر» : 40

بسم الله الرحمن الرحيم

السلام عليكم ورحمة الله وبركاته

كل عام وانتم بخير

هذا شعر عن عيد الاضحى اعاده الله علينا

باليمن واليسر والبركات

أقول في نفسي وأنا أعايد الناس :::::متى بشوفك تكمل أفراح عيدي
أجامل وربي عليم ٍ بالإحساس ::::::: وشهو شعوري وأنت عني بعيدي
اللي خذاني لك على سهو هوجاس ::::: حسيت نفسي وسط ربعي وحيدي
لو حسوا بما بي يقولون لاباس ::::::: بدال قولة على عيدك سعيدي
لاصرت عندي وقتي أعياد وأعراس:::: حتى ولو إني وسط سجنٍ حديدي
عاشرت خلان وتخالطت بأجناس::::: محدٍ سواك أهديته القلب بيدي !!
من تحت ما طا الرجل لي هامت الراس:::: كلش هويته فيك والله شهيدي
لقيت بك ذوقي وأنا قاطع الياس:::::: ومعك بدا يحيا الأمل من جديدي..
.................... .................... .................... .................... .................... ........
وشاعر أخر يقول:

كلن نهار العيد عايد حبيبه:::::: وألتم شمل القلوب المواليف
وأنا حبيبي غايب الله يجيبه:::::::ويا حسرتي كان انتهى العيد ما شيف!!
.................... .................... .................... .................... .................... .

أجيك مقبـل والفـرح محتوينـي
طويت حزني واكتسيت السعـادة
فرحة بوجهي وابتسامـة بعينـي
وثوب جديد وعطر ريحة زيـادة
ادري الحزن له موقعه في جبيني
وادري البكا في داخلي وبعنـاده
وادري انا ما اختار شي(ن) يجيني
أقدار مـن ربـي ولا لـي إراده
بـاستمحك يا حزن تطلق يدينـي
بـأذوق يوم العيد طعم السعـادة

نبداء بخالد الفيصل يقول عن العيد

ياساعة الفرحه تشوقت للعيد
عيد العيون وعيد قلب الصبابه

رد الجمال لشوفتي يا أتلع الجيد
واسحب على حرفي لحون الربابه

حرفي بصوتك يا أجمل الصوت تغريد
يا رمز حبي هاك رمز الكتابه

يا صبح عمري فيك للعمر تجديد
وحبك يجدد كل يومٍ شبابه

للعيد والقمرا وحسنك مواعيد
وليل الهوى شرّع للأحباب بابه

يا ما زعجت الصوت باسمك تراديد
ويا ما نسيم الوجد يمك سرابه

وياما تمنيتك على باقي الغيد
وأقول مثلك يا غلى الروح مابه

يا قطرة الغيمه على يابس البيد
رد الحياة لخافقي يا ذهابه.

--------------------------------------------------------------------------------

» اشعار عن شهر رمضان المبارك